Oropa tambe a hasi esaki posibel

Bo tabata sa ku na Boneiru tin diferente proyekto ku Oropa ta paga?

Konstrukshon di kloaka na Belnem i Hato

A finalisá e proyekto akí na kuminsamentu di aña 2023. Den e añanan binidero ta bai amplia e kantidat di kloaka na Boneiru.

Konstrukshon di tres sala di deporte

Riba e tereno pegá ku Kolegio Rayo di Solo i Kolegio Strea Briante nan ta konstruí dos sala di deporte. E di tres sala di deporte ta bini banda di Skol Amplio Papa Cornes. E salanan di deporte ta intenshoná pa e skolnan, pero otro klupnan tambe por hasi uso di nan.

Protekshon di naturalesa na Lac Bay

Kambio di klima i oumento di e kantidat di bishitante ta forma un menasa pa Lac Bay. A kuminsá ku diferente proyekto pa sòru ku nos yunan i nos ñetunan tambe por gosa di e bahia akí.

 

Un di e proyektonan ta ponementu di 2 toren di vigilansia nobo. E torennan di vigilansia nobo ta situá na Sorobon i Lac Cai. Ta usa e torennan pa kontrolá naturalesa den e área. Bishitantenan por usa e torennan pa wak para i gosa di e bista bunita.

OCT Youth Network

OCT ta para pa ‘Overseas Countries and Territories’: paisnan i teritorionan ultramar dentro di Union Oropeo. OCT Youth Network ta eksistí for di aña 2022 i e ta pa hóbennan den edat di 25 pa 28 aña. E meta di e ret hubenil akí ta pa siña for di otro i siña mas tokante Union Oropeo.

 

Bo ke sa mas? Wak riba https://international-partnerships.ec.europa.eu/policies/youth/overseas-countries-and-territories-youth-network_en