Elekshon Konseho Insular

Elekshon Konseho Insular

E delaster elekshon pa Konseho Insular tabata 15 di mart 2023. E siguiente elekshon pa Konseho Insular ta 4 jaar aña despues.

Despues di elekshon ta konta voto. Mas voto un partido tin, mas asiento e ta haña. E partidonan tin mag di buska otro pa yega na un koperashon (koalishon). Huntu nan ta palabrá kon nan ta bai goberná Boneiru durante e 4 añanan benidero. Konseho Insular ta konsistí di 9 miembro.

Entre e elekshon di esun pa e otro elekshon di Konseho Insular, tin un periodo di 4 aña, den e periodo akí tin mag di forma un koalishon. Un koalishon mester tin un mínimo di 5 asiento pa goberná. Si un partido òf konsehal no ke partisipá mas n’e koalishon, e kantidat di asiento por baha bira ménos ku sinku. E ora ei tin un minoria, i koalishon mester baha.

Vota pa elekshon di Konseho Insular

Habitante di Boneiru ta skohe miembro pa Konseho Insular kada 4 aña. E ora ei bo por vota pa kandidato di partidonan polítiko. Bo tin mag di vota si bo tin 18 aña di edat òf ta mas bieu i si bo ta inskribí komo habitante di Boneiru. No ta na nodi pa bo tin nashonalidat hulandes : siudadanonan ku no tin nashonalidat hulandes, pero ku tin mas ku 5 aña tras di otro sí inskribí na Boneiru, tin mag di vota pa Konseho Insular.

Kiko Konseho Insular ta hasi?

E miembronan di Konseho Insular ta representá habitante di Boneiru. Ta nan tarea pa traha plan pa Boneiru ku ta kuadra ku e deseonan di e habitantenan. Pues Konseho Insular mester sa bon kiko ta pasa na Boneiru. Konseho Insular ta kontrolá tambe si Kolegio Ehekutivo ta ehekutá nan plannan bon i ku si ta logra e resultadonan deseá. Fuera di esei Konseho Insular ta stipulá kon ta usa e plaka.

Konseho Insular i Kolegio Ehekutivo

Entidat públiko Boneiru tin un Konseho Insular i un Kolegio Ehekutivo. E partidonan polítiko ku ta bai traha huntu despues di elekshon (koalishon) ta forma un Kolegio Ehekutivo. E Kolegio Ehekutivo akí ta hiba e maneho ku koalishon a stipulá. Kolegio Ehekutivo ta maneho diario di e isla. E ta konsistí di gezaghèber i diputadonan. Kolegio Ehekutivo mester duna kuenta i rason na Konseho Insular. Nan ta goberná e isla huntu. Konseho Insular ta stipulá, Kolegio Ehekutivo ta konsehá i ehekutá.

Momento/fecha importante

E siguiente elekshon pa Konseho Insular ta na 2027. Bo ta haña basta adelantá riba e sait akí tur momento/fecha importante ku tin di ber ku e elekshon akí.