Elekshon di Kolegio Elektoral

Elekshon pa Kolegio Elektoral

Kada 4 aña tin elekshon a miembro di Kolegio Elektoral. Ta tene e elekshon akí pareu ku elekshon pa Konseho Insular. E delaster elekshon pa Konseho Elektoral tabata 15 di mart 2023.

Bo por vota pa Kolegio Elektoral:

• si bo tin  18 aña di edat òf ta mas bieu
• si bo tin nashonalidat hulandes
• si bo ta inskribí komo habitante di Boneiru
• si bo no ta ekskluí di derechi di voto

Kolegio Elektoral ta skohe Senado

Senado tin 75 asiento. E siguiente personana ta skohe e miembronan di Senado kada 4 aña:

• miembronan di Parlamento di provinsia;
• miembronan di Kolegio Elektoral di Boneiru, Saba i Sint Eustatius;
• miembronan di Kolegio Elektoral pa votadó hulandes ku ta biba pafó di Hulanda.
   

Senado hulandes ta trata proposishon di lei nobo ku parlamento hulandes a aseptá. Senado por aprobá òf desaprobá un lei nobo. E leinan akí por konta pa Boneiru tambe. Loke Senado i Parlamento hulandes disidí, por tin p’esei  konsekuensia pa bo. Ta importante pues pa bai vota.

Kolegio Elektoral Boneiru

Boneiru tin su mes Kolegio Elektoral, meskos ku Saba i Sint Eustatius. Kada 4 aña habitantenan di Boneiru ta vota ken tin mag di bai den e Konseho Elektoral ku ta representá e isla. E úniko tareaodi Konseho Elektoral ta pa vota pa miembro di Senado. Miembro di Konseho Elektoral no tin ningun ròl den ehekushon di tarea di gobernashon di entidat públiko Boneiru.

Senado ta evaluá Parlamento hulandes

Parlamento hulandes por entregá proposishon pa lei nobo, kambia nan òf  aprobá nan. Senado ta evaluá e proposishonnan di lei i por desaprobá esakinan tambe. Di e forma ei tur poder no ta serka senado òf parlamento i tur siudadano ta haña tempu pa oponé e proposishonnan di lei. 

Momento/fecha importante

E siguiente elekshon pa Kolegio Elektoral ta na 2027. Basta tempu promé ku e ta tuma lugá bo ta haña riba e sait akí tur momento/fecha importante ku tin di ber ku elekshon.